Шест полицајци загинаа во неделата во престрелка со припадници на криминална група поврзана со наркокартелите во североисточната сојузна мексиканска држава Нуево Леон, соопшти регионалното одделение за јавна безбедност.
Во соопштението се наведува дека полицајците влегле во престрелка со група цивили кои се движеле во десет блиндирани возила и користеле оружје со голем калибар.
„Шест припадници загинаа извршувајќи ја должноста, а уште четворица други се ранети“, се наведува во соопштението на министерството за безбедност на Нуево Леон и се додава дека станува збор за заседа поставена околу 3 часот утрото по локално време во близина на границата меѓу Мексико и Мексико.
Засега не е познато на кој од криминалните кланови коишто дејствуваат во Нуево Леон припаѓале криминалците.
Последниве години во Мексико е во тешка безбедносна криза. Во 2021 година, според официјалните податоци, повеќе од 33.300 луѓе се убиени во меѓусебните пресметките и нападите на криминалните банди на наркокартелите, од кои околу половината во сојузните држави Гуанахуато, Мексико Сити, Мичоакан, Долна Калифорнија, Халиско и Чивава.
Само во мај годината регистрирани се повеќе од 2.800 убиства во намерни напади и егзекуции, што е највисоката бројка од почетокот на годината. Тоа е за 10 отсто зголемено насилство отколку во април.
Претседателот Андрес Мануел Лопез Обрадор дојде на должноста во земјата која се справува со високата стапка на убиства и се обидува да го заузда хроничното насилство меѓу бандите. Стапката на убиства годинава може да биде највисока досега последните децении.
