Шести трофеј за Реал во Суперкупот на УЕФА (ВИДЕО)

Од вечерва, Реал Мадрид е рекордер во уште едно натпреварување на УЕФА, покрај Лигата на шампионите.

Првпат во историјата, „кралскиот клуб“ има најмногу пехари во Суперкупот бидејќи денеска по шести пат триумфираше откако во Варшава ја совлада Аталанта со 2-0. Мечот многу наликуваше на финалето од Лигата на шампионите против Борусија Дортмунд со таа разлика што Аталанта вечерва немаше многу изгледни шанси, но сепак го сочува својот гол.

Се што беше важно се случи во период од девет минути. Во 59. Винисиус се проби по левата страна од шеснаесетникот и му асистираше на Валверде за водство на Реал, а во 68., по една долга акција, повторно од левата страна Белингем асистираше за првиот гол на Килијан Мбапе во дресот на Реал Мадрид откако летово се пресели во редовите на шпанскиот гигант.

Освен тоа што Реал од вечерва е рекордер по бројот на трофеи во Суперкупот, истото се однесува и за Карло Анчелоти кој има пет триумфи во ова натпреварување со што го помина Пеп Гвардиола.

ПОВРЗАНИ НАПИСИПОВЕЌЕ ОД АВТОРОТ