Шест лица се повредени од кои едно потешко во сообраќајна несреќа која во понеделникот околу 14,50 часот се случила на регионалниот пат Гостивар-Маврови Анови, во близина на Мавровска крстосница.
Според информациите од Министерството за внатрешни работи во несреќата учествувале автомобил „опел корса“ со штипски регистарски ознаки, управуван од 50-годипшниот В.М. од Свети Николе и автомобил „ровер“ со тетовски регистарски ознаки, управувано од 47-годишниот И.Р. од Тетово.
Во незгодата со тешки телесни повреди се здобил возачот В.М., а со телесни повреди се здобиле сопатниците од истото возило Л.М. на 37 години и две деца на возраст од пет и три години, потоа возачот И.Р. и сопатничката од истото возило Р.Р. на 43-годишпна возраст, констатирани во Медицинскиот центар Гостивар.
