Ексградоначалникот на Скопје, Петре Шилегов на својот фејсбук ѝ се обрати на градоначалничката Данела Арсовска, при што повика на избори во мај и оставка.
Шилегов напиша дека Скопје се наоѓа во процес на целосна девастација.
„Почитувана Арсовска, заминете си. Поднесете оставка. Доблесно е да си признаете дека сте тотално неспособна и некадарна да го водите градот. А едноставно Ви се случи. Непланирано. (Без визија и план што би работеле. Со сите мои и наши (партиски, политички и граѓански) грешки кои придонесоа за тоа). Во мај секако имаме избори во Македонија. Нека се избори и во Скопје. Заради малку достоинство што секој од нас треба да го има. И заради Градот (не толку убав во задње време) во кој што сите живееме“, вели Шилегов.
