Од почетокот на руската инвазија во Украина, украинската војска загубила речиси 500.000 војници, изјави во вторникот рускиот министер за одбрана Сергеј Шојгу на состанокот со водството на ресорот и додаде дека руската војска ќе ги засили нападите врз складиштата со западно оружје.
„Севкупно, од почетокот на специјалната воена операција, загубите на украинските вооружени сили изнесуваат речиси половина милиони војници. Киевскиот режи не можеше да ги достигне своите цели во противофанзивата која ја подготвија инструкторите од НАТО. Нашата војска го урна митот за супериорноста на западното оружје“, рече Шојгу во текот на колегиумот.
Сега руските единици имаат иницијатива по целата линија на борбен контакт и продолжуваат да го истиснуваат непријателот, продолжи Шојгу.
Се осврна и на фактот дека Вашингтон е подготвен да ѝ достави на Украина нов пакет воена помош по гласањето во Претставничкиот дом во саботата.
Според него, за да се спречи крахот на украинската војска, САД издвојуваат речиси 61 милијарда долари, но, како што рече Шојгу најголем дел од тие пари ќе бидат наменети за финансирање на американскиот воено-индустрискиот комплекс.
Украинскиот претседател Володимир Зеленски изјави дека Киев наскоро ќе добие повеќе ракетни системи со долг дострел ATACMS како дел од пакетот. Американските власти соопштија дека помошта ќе вклучува резерви на муниција и пресретнувачи за системи за противвоздушна одбрана.
„Соодветно на заканите од САД и нивните сојузници, ќе продолжиме да го подобруваме составот и структурата на вооружените сили и да го зголемуваме производството на најефикасното оружје и воена опрема“, рече Шојгу.
„Ќе го зголемиме интензитетот на нападите врз логистичките центри и базите за складирање на западното оружје“, истакна рускиот министер за одбрана.
Шојгу го повтори тврдењето на руската војска дека ги освоила селата Первомајское, Богдановка и Новомихаиливка претходно во април, како и дека ја проширува зоната на контрола во Бердичи и Георгиевка во западните области на Доњецк. Во понеделникот, украински командант го негираше падот на Богдановка, тврдејќи дека украинските сили држат 15-20 отсто од селото.
Руското Министерство за одбрана соопшти дека руските маринци вклучени во операцијата за заземање на Новомихаиловка заробиле оружје од западно производство, вклучувајќи шведски фрлачи на гранати, американски противтенковски „Javelins“ и системи за електронско војување на НАТО.
Министерството објави видео од, како што рече, операцијата за заземање на селото. Агенцијата Reuters наведува дека не можела да потврди кога е снимено видеото, но ја потврдило локацијата како Новомихаиловка врз основа на зградите, патишта и езеро што се совпаѓа со датотеки и сателитски снимки од областа.
„Високиот борбен потенцијал на руските трупи им овозможува постојано да вршат оган врз непријателот и да го спречат да ја држи одбранбената линија“, изјави Шојгу истакнувајќи дека руските вооружени сили ќе продолжат да ги решаваат зададените задачи додека целосно не се постигнат целите на специјалната операција.
Руската армија ќе ги интензивира нападите врз логистичките центри во Украина, изјави министерот за одбрана Сергеј Шојгу на состанокот на одборот на одделот.
„Ќе го зголемиме интензитетот на нападите врз логистичките центри и базите за складирање на западното оружје Руските вооружени сили ќе продолжат да ги извршуваат зададените задачи додека не се постигнат целосно целите на специјалната операција“, нагласи рускиот министер за одбрана.
