Актуелниот светски и европски шампион, репрезентацијата на Шпанија денеска ќе ги одигра последните 90 минути на Мундијалот во Бразил.Избраниците на Винсенте дел Боске пред неколку дена се простија од планираниот пласман во 1/8 финалната рунда, но за очекување е дека “црвената фурија” ќе се обиде со да забележи триумф во дуелот против селекцијата на Австралија.
„Јас мислам дека мојот тим покажа карактер иако доживеавме елиминација веќе во групната фаза. Имавме доминација на двата натпревара, игравме офанзивно, создадовме неколку чисти шанси, но не бевме успешни пред противничкиот гол, не бевме доволно сконецентрирани. Чуствувам дека нашите фанови заслужуваат уште едно извинување. Многу ни е жал, сакаме со победа да се вратиме дома. Дадовме се од себе, имавме добра намера, но нешто ни фалеше, ја немавме потребната искра”, изјави пред натпреварот селекторот на “црвената фурија”, Винсенте дел Боске.
