Шпанските медиуми: Реал го чека патување во пеколот! (ФОТО)

Белград се подготвува за голем спектакл вечерва, од 20.30 часот ќе почне третиот меч меѓу Партизан и Реал Мадрид во четвртфиналето од Евролигата, а со оглед на тоа каква беше атмосферата досега, овој специјален повод ветува надминување на сите очекувања.

Црно-белите водат со 2-0 и победа ќе ги однесе на Ф4-турнирот во Каунас. Навивачите веќе најавија дел од идеите кои ги подготвуваат за пречекот на Реал, а јасн оим е и на шпанските медиуми дека „кралскиот клуб“ ќе игра во застрашувачка атмосфера во „Штарк арена“.

Затоа трите највлијателни спортски весници утрово на својата насловна страница одвоија помал или поголем простор, но кај сите три стоеше еден ист збор: пекол!

За „Марка“ ова е главен спортски настан на денот, па на цела насловна страница пишува: „Пеколот од Белград. 20.000 навивачи го очекуваат Реал“.

„АС“ одвоил една лента на горната страна од насловницата и вели дека Реал го очекува „Патување во пеколот. Реал се обидува да го направи досега невиденото, да се врати од 0-2 и тоа во експлозивниот дом на Партизан“.

Најскромен е „Мундо депортиво“, весникот наклонет кон Барселона, кој во еден агол од насловната страница има „’Лос бланкос’ ќе играат во пеколот во Белград“.

https://twitter.com/mundodeportivo/status/1653156278003200000?ref_src=twsrc%5Etfw%7Ctwcamp%5Etweetembed%7Ctwterm%5E1653156278003200000%7Ctwgr%5E760daaaf486f1ae2bfdfdd945463386a1fe9f12f%7Ctwcon%5Es1_&ref_url=https%3A%2F%2Fsport1.mk%2Fkosharka%2Fevroliga%2Fshpanskite-mediumi-ednoglasni-real-go-cheka-patuvanje-vo-pekolot-foto

ПОВРЗАНИ НАПИСИПОВЕЌЕ ОД АВТОРОТ