Во ова време во коешто живееме, критериумот за убавина е навистина чуден: напумпани усни, пластични гради, згодно тело и слично. Секоја маана може да се покрие со шминка и сите можеме да бидеме најубави жени на свет. Но, маскарата, пудрата и карминот не се работи што ја прават жената убава. Шминката може да ги потенцира нејзините квалитети, но вистинската убавина е многу покомплицирана.
Ова се карактеристиките кои ја прават секоја жена прекрасна и убава:
1 . Страст
Жена без ентузијазам и страст е безлична. Понекогаш животот ни носи преголем товар и тешко е жената да најде време за себеси и за своите хобија. Нејзините дневни рутини се ограничени на работата и домашните обврски. Да се има страст за нешто е единствениот начин како да се избега од тоа.
Ако дојдете дома и најдете време за себе, животот може да биде прекрасен. Животот не е само работа. Жена со страст веднаш се издвојува од сите – нејзините очи сјаат на посебен начин. Таа е личноста која што сакате да ја следите и со која сакате бесконечно да разговарате.
2. Сочувство
Ладните и себични жени се сакаат само себеси. Без двоумење, љубовта кон самиот себе е прекрасна работа, но и тоа треба да има некоја умереност. Кој сака ладни и себични луѓе? Ако жената е неспособна да сочувствува со другите, кој ќе сочувствува со неа?
Сочувството е привлечна карактеристика и жена која знае како да дава и прима љубов е секогаш попосакувана и поатрактивна од која било друга жена.
3. Интелигенција
Постои мит дека убавите жени не се паметни. Во суштина, овој стереотип се движи во две насоки, затоа што исто така се претпоставува дека паметните жени не се убави, бидејќи тие се окупирани со работа и образование и дека немаат време за себе.
Ова е многу чуден стереотип. Жената која нема време за учење и развивање на својот ум е како писател кој никогаш не чита книги. Тоа е како да кажете дека не треба да го разберете светот, светот треба да ве разбере вас. Самата потрага по знаење ве прави привлечни. Интелигенцијата е секси.
4. Позитивен дух
Намќорестите луѓе не се привлечни. Нормално дека не може секогаш да бидете во добро расположение, бидејќи сите поминуваме низ тешки периоди во животот. Но, лошите периоди поминуваат и навистина е прекрасно да се смогне сила и да се ужива во секој момент.
Позитивниот дух е заразен. И другите сакаат да се забавуваат, па така сите посакуваат жени со позитивна енергија.
5. Издржливост
Ништо не е поубаво од жена која одбива да се откаже. Издржливоста и упорноста, без оглед на тоа дали се работи за кариера, креативни активности, врски или спортови, се навистина инспиративни. Светот ги сака борците.
Навистина се привлечни луѓето кои имаат цели и кои се борат за нив.
6. Самодоверба
Самоуверента жена ги знае своите предности иако не се фали со нив и не бара пофалби. Таа се гордее со тоа како изгледа, како мисли, како зборува и како се однесува. Таа е среќна таква каква што е и тоа е прекрасно.
7. Енергија
Енергијата можеби е и збир од сите горенаведени квалитети. Кога жената ги следи своите страсти, покажува сочувство, има интелигенција и смисла за хумор, одбива да се откаже и верува во себе, таа е навистина прекрасна. Таа станува искра која ги осветлува сите околу неа.
