Комплименти за македонската фудбалска репрезентација пристигаат од сите страни на светот.
Нашиот националне тим утре против Австрија ќе го има деби настапот на едно големо натпреварување.
Угледниот швајцарскиот весник Ноје Цирхер Цајтунг особено потенцираше еден наш фудбалер, а станува збор за Елиф Елмас.
„Мала фудбалска земја, а голема фудбалска ѕвезда. Ваквите примери има се повеќе”, пишува швајцарскиот весник Ноје Цирхер Цајтунг во воведот на портретот на Елиф Елмас.
„Норвежаните го имаат Ерлинг Халанд, Швеѓаните го имаат Златан Ибрахимовиќ, Полјаците- Роберт Левандовски. Македонија е далеку помала, но сепак шансите не се лоши во земјата да се развие еден извонреден фудбалер.
Со 21 година Елиф Елмас веќе има 27 настапи за репрезентацијата, седум погодоци и пет асистенции. Неговиот најважен настап во националната селекција овој играч од средниот ред го имаше пред нешто повеќе од два месеци, откако го постигна победничкиот гол во сензационалната победа од 2:1 против Германија во квалификациите за Светското првенство“, пишува НЦЦ.
