Шведска ќе ја подигне тревогата поради опасност од тероризам на второто највисоко ниво, објави во четвртокот дневниот весник Dagens Nyheter, поради неколкуте случаи на палење и сквернавење на светата книга Куранот што предизивка жестоки реакции на муслиманите.
Шведската безбедносна служба SAPO планира да го подигне нивото на предупредување за можни терористички активности од 3-то на 4-то, што значи дека постои конкрента закана од напад, пишува весникот.
Како што е најавено, SAPO подоцна во четвртокот ќе одржи брофинг за новинарите посеветен на ситуацијата со националната безбедност.
Велика Британија и САД неодамна ги предупредија своите државјани да не патуваат во Шведска поради можни терористички напади во екот на протестите во оваа скандинавска земја и соседната Данска поради палењата и сквернавењатана примероци на Куранот, инциденти на радикални десничкари и анти-исламисти кои се одржаа со одобрување на властите во двете земји повикувајќи се на слободата на говорот и изразувањето.
Шведска и Данска се гордеат со своето почитување на слободите и се меѓу најлиберланите земји во светот кои дозволуваат и критики и омаловажувања на религиите.
Муслиманите сметаат дека сквернавењето на Куранот, Божјиот збор кој на пророкот Мухамед му ја пренел ангелот Габриел, е тежок престап кој заслужува најстрога казна.
