Не само што е убеден дека ќе остане во тренерската фотеља, новиот предводник на Милан, Кларенс Сидорф е убеден дека под негово водство, седумкратинот европски клупски шампион повторно ќе се врати на победничката патека и повторно ќе биде страв и трепет во Европа и Италија.
„Ќе стартуваме со новиот проект на почетокот од следната сезона. Ние имаме само една зацртана цел, Милан да се врати на победничката патека, да се врати на самиот врв, да биде страв и трепет во Италија и Европа. Мора да изградиме еден нов тим, само така Милан ќе биде доволно конкурентен. Тоа мора да го направиме на еден интелегентен начин, со добра анализа, со избор на вистинските фудбалери. Најважно од се е да ангажираме квалитетни засилувања, фудбалери кои ни се потребни. Милан има потреба од фудбалери кои ја разбираат, кои ја сваќаат клупската филозофија, кои сакаат да бидат дел од нашиот проект”, изјави холандскиот стручњак
