Цените на нафтата се искачија над 72 долари на меѓународните пазари во средата по сигналите од водечките производители дека може да го одложат најавеното зголемување на понудата.
На лондонскиот пазар цената на барелот попладнето беше повисока за 1,10 долари отколку на затворањето на тргувањето вчера и изнесуваше 72,22 долари. Речиси за исто толку поскапе и цената на барелот на американскиот пазар каде се тргуваше по 68,28 долари.
Засебно Организацијата на земјите извознички на нафта (OPEC) објави дека во вторникот барел нафтена кошница на нејзините членки падна за 80 центи на 70,79 долари.
Трговците се фокусираа на пораките за снабдување од OPEC и нејзините сојузници големи независни производители предводени од Русија во средата. Оваа групација позната како OPEC+ најави дека ќе ја зголеми понудата за 180.000 барели дневно од декември, со што планираниот рок ќе се одложи за два месецa. Тие во моментов ја намалуваат понудата за 5,86 милиони барели дневно, што одговара на околу 5,7 отсто од светската побарувачка на нафта.
Во средата, извори за Reuters изјавија дека најавеното зголемување може да се одложи за уште месец или два „бидејќи пазарот не е доволно здрав“. Побарувачката е слаба, а независните производители ја зголемија понудата, велат тие. Два изворa рекел дека пласирањето повеќе барели на пазарот може да биде одложено за најмалку еден месец, а третиот, претставник на OPEC+, не прецизирал можен рок.
Одлуката за одложување би можела да биде објавена веќе следната седмица, додаваат оттаму.
OPEC и канцеларијата за односи со јавноста на саудиската влада не одговориле веднаш на барањето на Reuters за коментар на наводите на изворот.
„OPEC+ упорно повторуваше дека зголемувањето на понудата зависи од состојбата на пазарот“, потсетува Хари Чилингвиријан од „Onyx Capital“.
„Не треба никого да изненади што тие можеби размислуваат да го поместат рокот, со оглед на слабите макроекономски показатели, особено во Кина“, додава Тчилингуиријан, потсетувајќи на намалените прогнози за раст на побарувачката.
Цените беа поддржани и од падот на залихите во САД. Залихите на нафта паднаа минатата недела за 573.000 барели, а залихите на бензин за 282.000 барели, покажуваат податоците на здружението на производители API. Намалени се и залихите на други дестилати, за 1,46 милиони барели, додаваат тие.
Аналитичарите анкетирани од Reuters очекуваа извештајот на API да покаже пораст на залихите на нафта од 2,2 милиони барели. Министерството за енергетика во текот на денот ќе објави официјални податоци.
