Цените на акциите на светските берзи силно пораснаа минатата седмица, втора по ред, бидејќи инвеститорите беа охрабрени од подобрите од очекуваните деловни резултати на компанијата и контурите на економската политика на американскиот претседател Доналд Трамп.
На њујоршки Волстрит, индексот Dow Jones минатата седмица порасна за 2,15 отсто, на 44.424 поени, додека S&P 500 порасна за 1,7 отсто, на 6.101 поен, а индексот Nasdaq порасна за 1,65 отсто, на 19.954 поени.
Во текот на седмицата, индексот S&P 500 достигна рекордно високо ниво, откако Трамп во своето обраќање пред учесниците на Светскиот економски форум (WEF) во Давос рече дека ќе побара од Организацијата на земјите извознички на нафта (OPEC) да ги намали цените на нафтата, а централните банки да ги намалат каматните стапки.
Исто така, ги предупреди деловните лидери дека ќе се соочат со американски царини за производите доколку сакаат да ги произведуваат надвор од САД.
Додека инвеститорите внимателно ги следат изјавите на Трамп за царините, „ним им се допаѓа идејата за намалување на каматните стапки, како и цените на нафтата. Генерално, пазарот е оптимист колку повеќе слуша за политиките на Трамп“, рече Линдзи Бел, стратег во инвестициска фирма „248 Ventures“.
Сепак, царините би можеле да ги зголемат инфлаторните притисоци и да го забават темпото на намалување на каматните стапки од страна на американската централна банка. Се очекува амеиканската централна банка Федералните резерви (Federal Reserve – Fed) да ги задржи каматните стапки на сегашното ниво на состанокот следната седмица.
Цените на акциите во технолошкиот сектор пораснаа најмногу минатата седмица, по веста дека „OpenAI“, „SoftBank“ и „Oracle“ ќе формираат заедничка компанија и ќе инвестираат 500 милијарди долари во развој на инфраструктура за вештачка интелигенција.
Пазарот беше поддржан и со подобри од очекуваните квартални деловни резултати од голем број компании. На пример, цената на акцијата на „Netflix“ скокна за повеќе од 10 отсто откако компанијата објави рекорден раст на бројот на претплатници на нејзините услуги во изминатиот квартал.
Цените на акциите пораснаа и на повеќето европски берзи минатата седмица. Иако лондонскиот FTSE индекс се намали за 0,1 отсто, на 8.502 поени, франкфуртски DAX скокна за 2,3 отсто, на 21.394 поени, а париски CAC скокна за 2,8 отсто, на 7.927 поени.
