Силно невреме погоди во четвртокот во доцните попладневни часови делови на Хрватска и Словенија, како и Италија, а временските неприлики се интензивираа во текот на ноќта.
Силното невреме во попладневните часови зафати делови од северозападна Хрватска, вклучувајќи го и подрачјето на Загреб.
Бурата зафати делови од Словенија, по должината на границата со Хрватска, како и делови на Корушка. Во некои области падна и град, а пожарникарите, поради поплавени 20-ина објекти имаат полни раце работа, јавуваат хрватските медиуми.
Големите проблеми по силната бура има и во североисточниот дел на Италија.
Метеоролозите од Хидрометеоролошкиот институт на Хрватска најавуваа дека локалната нестабилност може да се интензивира преку ноќта.
