„Шкода“ се преврте во Аеродром. Во сообраќајна несреќа која се случи вчера во скопски Аеродром на раскрсницата кај Мајчин дом едно лице е повредено.
Несреќата се случила синоќа околу 20:45 часот. Од полицијата информираат дека во несреќата се судриле „Фиат Добло“ кој го управувал 19-годишниот Д.С. и „Шкода Фабиа“ управувана од 30 годишниот С.Д.
По ударот „Шкодата“ се превртела на улицата, а возачот С.Д. се здобил со повреди.
Со итна помош С.Д. е пренесен во Ургентниот центар каде му се констатирани полесни повреди и е задржан на лекување.
На местото на несреќата извршен е полициски увид.
ФОТО: Саше Димоски
