Тројца млади мажи од Скопје ноќта кон неделата биле нападнати на популарната плажа Сараиште во Охрид, но засега не се јасни причините за инцидентот поради кој е приведено едно лице.
На плажата „Сараиште“ во Охрид, нарушен е јавниот ред и мир со физички напад и употребен стаклен предмет, извршен од Л.Ч.(23) врз Љ.Д.(24) и Д.Ј.(24), сите од Скопје.
Инцидентот, информираат од СВР Охрид, се одиграл синоќа кратко по полноќ.
Нападнатите со возило на Итната медицинска помош се пренесени во Општата болница во Охрид, а напаѓачот е приведен. Против него ќе биде поднесена соодветна пријава.
