Од транзитниот центар во Табановце вчера избегале 40 бегалци, објавија некои медиуми, наведувајќи дека информацијата е потврдена и од Регионалниот центар за управување со кризи.
Бегалците кои биле од Авганистан и од Ирак, ја искористиле приликата кога немало струја во кампот и се упатиле во непознат правец.
Кај Табановце веќе неколку дена се заглавени околу 1.500 мигранти и бегалци по одлуката на Словенија, а потоа и на Хрватска и Србија да не примаат бегалци без валидни визи и пасоши.
Македонија од своја страна, како што претходно изјави министерот за надворешни работи Никола Попоски, сите мерки ќе ги усогласува со ЕУ и реципрочно ќе ги применува на својата јужна и северна граница.
