Следниот филм на режисерот Кристофер Нолан ќе биде адаптација на епската Одисеја на Хомер.
Студиото „Universal Pictures“ објави дека тоа ќе биде „митска акциона епопеја која ќе се снима низ целиот свет“.
Филмот на 54-годишниот режисер познат по „Опенхајмер“ и „Интерстелар“ ќе биде прикажан во кината ширум светот на 17 јули 2026 година, објави студиото во понеделникот во X.
Според „Universal“, филмот ќе се снима со помош на технологијата IMAX, која овозможува особено висока дефиниција.
Холивудските изданија известуваат дека во проектот се вклучени Мет Дејмон, Шарлиз Терон, Том Холанд, Ен Хатавеј, Зендаја, Лупита Нионго и Роберт Патинсон.
Старогрчкиот еп, напишан околу осмиот век п.н.е., раскажува за враќањето на Одисеј од Тројанската војна во Итака.
