Словачка треба да донесе одлука за испраќање борбени авиони „МиГ-29“ во Украина, изјави во четвртокот министерот за одбрана Јарослав Над.
„Мислам дека е време да се донесе одлука. Луѓе гинат во Украина, навистина можеме да им помогнеме, нема простор за словачката политика“, објави Над на Facebook.
Министерот додаде дека разговарал со полскиот министер за одбрана во средата и му било кажано дека Варшава ќе се согласи на заеднички процес за предавање на авионите „МиГ-29“ на Украина.
Западните земји досега одбиваат да ѝ испорачаат борбени авиони од западно производство на Украина, но испраќаа модернизирани борбени советски и руски летала за кои се обучени украинските пилоти. Полска навела дека ќе биде подготвена да испрати воени авиони во коалиција на земји.
Словачкиот премиер Едуард Хегер во февруари изјави дека Братислава би можела да започне разговори за испорака на авионите откако тоа Киев официјално ги побарал. Владата на Хегер е преодна влада до предвремените избори во септември, а Над рече дека е подготвен да го вклучи парламентот во одлучувањето за планот за испорака на борбени авиони.
