Политичари на ЕУ кои поддржуваат војна се „казнети“ на европските парламентарни избори, изјави во понеделникот свиркачот на НСА, Едвард Сноуден.
Коментарите доаѓаат откако резултатите од парламентарните избори на ЕУ, кои завршија во неделата, откриваат значителна поддршка на гласачите кон десничарските и конзервативните партии, особено во Франција и Германија, каде што се предвидува дека ќе ја победат владејачките коалиции на претседателот Емануел Макрон и Канцеларот Олаф Шолц.
Во објавата на X (поранешен Твитер), Сноуден тврди дека поразот на про-воените политичари на изборите „не е добар знак за американскиот претседател Џо Бајден“, сугерирајќи дека Вашингтон е тој што одлучува кога ќе започнат конфликтите и кога ќе завршат.
Во текот на викендот, се проценува дека стотици милиони луѓе учествувале на парламентарните избори во 27 земји-членки на ЕУ. Според прелиминарните резултати, поддршката за конзервативните и десничарските партии значително порасна, бидејќи луѓето се повеќе се противат на политиките на блокот, особено оние во врска со имиграцијата, климата, воената поддршка за Украина и санкциите кон Русија.
Во Франција, десничарската партија на Марин Ле Пен, доби повеќе од 30 отсто од гласовите, додека партијата на Макрон Ренесанса успеа да освои само околу 15 отсто, што го натера францускиот лидер да го распушти Националното собрание и да повика на предвремени избори.
Во Германија, владејачките социјалдемократи на Шолц ги добија своите најлоши резултати во последните децении со само 14 отсто од гласовите, според проекциите, додека десничарската Алтернатива за Германија (АфД) се очекува да заврши на второто место со околу 15 отсто. Се предвидува дека сојузот на десниот центар ЦДУ-ЦСУ ќе освои околу 30 отсто од гласовите.
Слични резултати беа забележани и за конзервативните партии и во другите земји на ЕУ, вклучувајќи ги Белгија, Холандија и Италија.