Државата не се откажува од приходите од ДДВ на основните продукти, но со укинување на маржите на истите го осиромашува народот и директно влијае на затварање на работни места како и уништување на малите бизниси. Со тоа што не сакаа да се откажат од укинување на ддв на предлог на ВМРО-ДПМНЕ, тие даваат до знаење дека државната каса мора да се полни по секоја цена за да издржат овие популистички мерки кои ги донесоа во меѓувреме и наместо тоа, тие забранија дополнителни маржи на леб, млеко, зејтин, стои во Фејсбук статусот на Игор Здравковски.
Тој напуша дека ќе добиеме затварање на малите маалски продавници и производителите на овие продукти со тоа што тие не можат да издржат вакви удари (покрај забраната за работа во недела).
– Сега, со оваа “антикризна” мерка, ќе опстанат само големите маркети во кои кога влегуваме, покрај леб и зејтин купуваме сѐ останато, за разлика од маалските дуќанчиња кои живееа во најголем процент од рабатот на лебот, млекото и цигарите, или во превод од 10.000ден дневен промет, 9.000 беше од тие продукти на кои сега не смеат да имаат рабат, а со тоа ќе немаат ни есап да работат (поради скапа струја, цена на нафтата, зголемен минималец итн). Оваа “антикризна” мерка понатаму директно ќе удри и по лебарите, млекарите, млиновите итн. кои снабдуваа цели градови, а сега ќе мораат да намалат производство и да работат само за побарувачката во големите маркети, па сопствениците ќе мора да го намалат бројот на вработени поради намален обем на работа. А доволна ќе беше волјата на Владата да укине само ДДВ од 5 на 0%, додава Здравковски во својата објава.