Непознато маскирано лице со ловџиска пушка и пиштол ограбило продавница во кумановското село Карпош, информира Министерството за внатрешни работи.
Синоќа околу 21 часот, маскираното лице влегло во продавницата „Елида 3“, со ловџиска пушка преку рамо и со закана со пиштол успеало од вработената да украде околу 70.000 денари од дневниот промет.
Полицијата презема мерки за откривање на сторителот и расчистување на случајот.
