-Со СДС добивме за 50% поголема инфлација од земјите во ЕУ и раст на БДП по глава на жител двојно помал од земјите во регионот. Во ЕУ инфлацијата е 4.3%, во Македонија 6.6%. Поради СДС 600 илјади наши сограѓани живеат во сиромаштија, а најмалку 80 илјади во екстремна сиромаштија, соопштија од ВМРО-ДПМНЕ.
-Откако е СДС на власт БДП по глава на жител во Македонија пораснал само 20%, додека во земјите од регионот од БИХ до Албанија, преку Србија, Косово и Бугарија и за над 50%.
Со СДС Македонија ја поминаа сите, и станува бетонирана на дното.
Државниот апарат го претворија во систем за поткуп, наместо за служба на граѓаните.
Самиот факт што СДС се фали дека ќе спроведува поткуп е доволен доказ дека се потребни корените промени. СДС мора да си замине, соопштија од оваа партија.
