Државниот Завод за статистика утврди намалување на просечната плата во јануари, споредено со декември. Просечната плата во јануари годинава изнесува 39.542 денари, и е за 456 денари помалку споредено со декември. И додека платите се намалуваат, растат трошоците за живот. Според податоците кои ги објави ССМ синдикалната кошничка е за 1.500 денари поскапа во март во однос на февруари, потсетуваат од ВМРО-ДПМНЕ.
За граѓаните да преживеат потребни се 1500 денари повеќе од овој месец, а во исто време имаат помали плати во просек за 500 денари.
Како мисли власта дека народот живее? Со право народот вели дека немаме држава, време е да ја вратиме, велат од партијата.
