Сојузот на спортови на град Скопје го распиша конкурост за доделување награди и признанија во изборот на најуспешни спортистки и спортисти, тренер и спортска екипа за 2024 година,
-Наградите и признанијата за најуспешните спортистки и спортисти, тренер и спортска екипа на Град Скопје, се доделуваат за постигнати резултати во индивидуален и во клупски спорт во тековната година, на спортистки, спортисти и тренери кои настапуваат за спортски клубови, чие седиште е во Скопје.Право на предлагање на кандидати за изборот на најуспешните, имаат спортските клубови и нивните членови, чие седиште е во Скопје, се вели во конкурсот.
Предлозите за “Избор на најуспешни спортистки и спортисти, тренер и спортска екипа на Град Скопје, за 2024 година“, се за следниве категории:
Најуспешни 10 спортисти во сениорска категорија (мажи и жени);
Најуспешни 10 спортисти во младинска категорија (мажи и жени);
Најуспешен тренер;
Најуспешна спортска екипа од Скопје;
Најуспешен спортист/ка – странец кој настапува во екипа од Скопје и
Најуспешен спортист/ка во категоријата на лица со инвалидност.
Конкурсот е отворен 10 дена и апликациите се испраќаат најдоцна до 16 декември 2024 година
Предлозите се доставуваат во затворен и запечатен коверт, во секој работен ден од 09:00 до 15:00 часот во Архивата на Сојузот на спортови на Скопје, со адреса на бул. Кочо Рацин бр.15 Скопје, со назнака за „Избор на најуспешни спортистки и спортисти, тренер и спортска екипа на Град Скопје, за 2024 година“.
Дополнителни информации во врска со конкурсот, на телефон 3228 – 624.
