Времето во Македонија во понеделникот ќе биде сончево и студено, во западните делови од земјата со мала до умерена облачност.
Кон крајот на денот облачноста ќе се зголеми насекаде, а во текот на ноќта во северозападните делови ќе има врнежи од снег. Ќе дува слаб ветер, претпладне од северен, а попладне претежно од јужен правец.
Максималната температура ќе биде во интервалот од минус 1 до 7 Целзиусови степени.
Во Скопје и околината, исто така, денеска ќе преовладува сончево и студено време со мала облачност. Максималната температура ќе достигне 3 степени.
Под влијание на нов влажен бран од денеска во ноќните часови, во вторник во текот на целиот ден и во среда наутро се очекуваат нови врнежи, на планините и на некои повисоки места од снег, а на пониските места од дожд. Во западните делови ќе има пообилни врнежи (локално над 25 l/m2), a снежната покривка на планините на северозапад ќе се зголеми за 10 до 15 cm. Утре ќе дува засилен јужен ветер. Дневната температура во следните денови ќе биде во пораст.
