Денеска во Македонија ќе преовладува сончево и многу топло време, со мала до умерена локална облачност. Ќе дува умерен, a на места повремено засилен ветер од северен и североисточен правец.
Ултравиолетовото зрачење (UV) ќе има вредност 8.
Утринската температура се движи од 12 до 21, додека максималните дневни соодветни ќе бидат во интервалот меѓу 29 и 39 Целзиусови степени.
Во Скопје и околината ќе биде сончево и многу топло со мала до умерена облачност. Ќе дува умерен до засилен ветер од северен правец, со температура до 37 степени.
Во текот на следнава работна седмица времето ќе биде претежно стабилно и многу топло, а дневната температура на повеќе места ќе биде близу 40 степени.
Од четврток ќе се зголемат условите за попладневна нестабилност со локален пороен дожд и грмежи.
