Во Македонија во понеделникот ќе преовладува сончево време со мала до умерена облачност.
Ќе дува умерен, долж Повардарието повремено засилен ветер од северен правец. Во северозападните планински подрачја ќе има услови за појава на краткотраен пороен дожд и грмежи. UV индексот ќе биде со вредност 7.
Утринските температури се движат од 11 до 19, додека максималните дневни ќе бидат соодветно во интервалот меѓу 22 и 32 Целзиусови степени.
Во Скопје и околината денеска ќе биде сончево со мала до умерена облачност и со умерен, повремено засилен северен ветер, а температурата ќе достигне 30 степени.
