На само неколку дена пред стартот на новата учебна година, голем дел од училиштата се уште немаат обезбедено технички средства за да можат да стартуваат со онлајн настава. Од СОНК велат дека доколку наставниците немаат соодветни услови за работа нема да можат да почнат со работа од први октомври.
Во новиот план за работа на училиштата се предвидува доколку едно дете повеќе денови не следи онлајн настава, а нема контакт ниту со неговите родители, стручни лица да го посетат домот на детето за да видат што се случува во семејството.
Се уште не се знае ниту кој ќе може да се смести во студенски дом, а кој ќе мора да замине под кирија. Министерката Царовска вели секоја година се доцни со овие списоци, а сега целта е да се обезбедат добри услови во домовите.
Капацитетите во студенските домови ќе бидат намалени за околу 50 проценти, а оние кои ќе бидат одбиени ќе добиваат надоместок за престој и превоз најверојатно до 6.000 денари.
