Во сообаќајна несреќа во Скопје повредени се четири лица. Во сообраќајката учествувале автомобил, пешак, полициски мотор и еден нерегистриран мотор.
-Вчера во 11,20 часот на крстосница од ул.„Војвода Васил Чакаларов“ и ул.„Ѓорче Петров“ се случила сообраќајна незгода во која учествувале моторцикл „кавасаки“ без регистарски ознаки, управуван од Р.П.(25) од Скопје, моторцикл„хонда“ со полициски регистарски ознаки, управуван од полициски службеник, патничко моторно возило„сеат ибица“ со скопски регистарски ознаки, управувано од М.М. од Скопје и пешак Н.М.(52) од Скопје, велат од полиција.
Сите учесници во незгодата се здобиле со телесни повреди и биле пренесени во Комплекс клиники„Мајка Тереза“, Градската општа болница„8-ми Септември“ и Градската општа болница„Св.Наум Охридски“ за укажување на лекарска помош. Увид на местото на настанот извршиле јавен обвинител и увидна екипа од СВР Скопје.