Во сообраќајна несреќа што вчера околу 21. 30 часот се случила во скопски Карпош две возила се опожарени.
Како што информираат од СВР Скопје за Нетпрес, сообраќајната незгода се случила на улица „Небеска“. Автомобил „Југо“ управуван од 27-годишната А.Џ. удрил во паркирано возило марка „Ауди“ и при ударот двете возила се запалиле.
Пожарот бил изгаснат од страна на противпожарната служба Скопје. Во несреќата нема повредени, а причинета е материјална штета.
На местото на настанот бил направен увид, а дополнително ќе се утврдуваат причините за сообраќајната несреќа.
