Во сообраќајна несреќа која се случи на патот Градско-Кавадарци утрово околу 7.20 часот две лица се повредени. Сообраќајот е во прекин во двата правци.
Како што информира Анита Стојковска, портпарол на СВР Велес, кај месноста викана „Варниште“, се случила сообраќајна несреќа во која учествувале два патнички автомобила.
– Првичните информации се дека две лица се пренесени во Здравствен дом Кавадарци заради укажување лекарска помош. Увидот е во тек. Сообраќајот во двата правци е во прекин, соопшти Стојковска.
