Советот за човекови права на Обединетите нации во петокот усвои резолуција во која се вели дека Израел мора да биде повикан на одговорноста за можни воени злосторства и злосторства против човештвото, кои Израел ги отфрли како „изобличен текст“.
За резолуцијата гласаа 28 земји, 13 беа воздржани, а шест беа против резолуцијата, вклучително и САД и Германија. Усвојувањето поттикна неколку претставници во Советот да аплаудираат.
Резолуцијата ја нагласува „потребата да се обезбеди одговорност за сите прекршувања на меѓународното хуманитарно право и меѓународното право за човекови права со цел да се стави крај на неказнивоста“. Во неа се изразува „длабока загриженост поради извештаите за сериозни прекршувања на човековите права и меѓународното хуманитарно право, вклучително и можни воени злосторства и злосторства против човештвото на окупираната палестинска територија“.
Меирав Ејлон Шахар, постојан претставник на Израел во ОН во Женева, го обвини Советот дека „одамна го напуштил израелскиот народ и упорно го брани Хамас“.
„Според резолуцијата пред вас денеска, Израел нема право да го штити својот народ, додека Хамас има прво право да убива и мачи невини Израелци. Гласањето „за“ е глас за Хамас“, рече Шахар.
САД најавија дека ќе гласаат против резолуцијата бидејќи во неа не се споменува конкретна осуда на Хамас за нападите врз Израел на 7-ми октомври и затоа што избегнува да укаже на „терористичката природа на тие напади“.
Вашингтон, сепак, рече дека Израел не направил доволно за да ја намали штетата врз цивилното население, а американската претставничка во Советот, Мишел Тејлор, рече дека САД бараат од Израел да ги намали воените операции против Хамас во корист на хуманитарните операции во со цел да се избегнат цивилни жртви, а хуманитарните здруженија ги извршуваа своите мисии во безбедноста.
Советот за човекови права на ОН, кој се состанува неколк пати годишно, е единственото меѓувладино тело кое се занимава со заштита на човековите права ширум светот и може да одобри истраги за кршење на човековите права.
