Шведска репрезентација во хокеј на мраз првпат по 1937 година нема да заврши меѓу осумте првопласирани на Светкото првенство од елитната дивизија, откако во понеделникот со поразот од Русија со 2:3 (1:0, 0:0, 1:2; 0:1) по изведувањето на казнените удари остана без шанси да заземат една од првите четири позиции во Групата А кои водат во четвртфиналето.
Шведска добро го отвори натпреварот во кој мораше да победи за да остане во игра за четвртфиналето, и поведе со колот на Каспер Форден во 8,6 минута, но Русија за само 12 секунди во третата третина направи реултатски пресврт, а стелци беа Антон Слепишев во 52,34 и Александар Барабанов во 52,46 минута. Надежите на Швеѓаните ги врати Виктор Олафсон во 55,17 минута, но бодот не ѝ бепе доволен за здржување на шансите за минување натаму и ѝ беше неопходна победа, макар и во продолжувањата или по изведувањето на казнените удари.
До таа победа Шведска сепак не дојде, па натпреварувањето по групи го заврши на 5-то место со 10 бодови. Русија со двата освоени бода дојде до врвот на табелата со 14 бодови, а во вторник има уште меч со Белорусија и доколку победи ќе го обезбеди првото место. Од Групата А во четвртфиналето уште се пласираа и Швајцарија и Словачка, кои имаат по 12 бодови,, како и Чешка која има 10 бодови но и победа во меѓусебната средба со Шведска.
Во вторник ќе се играат уште дуелите Словачка – Чешка и Швајцарија – Велика Британија и по нив ќе биде познат конечниот редослед во групата.
Голема шанса за пласман во четвртфиналето пропушти и Казахстан во Групата Б, откако беше поразен од претхдно веќе отпишаната Норвешка со 1:3 (1:0, 0:1, 0:2). На Казахстан му бепе потребна победа и поведе преку Дмитриј Шевченко во 16,00 минута, но во втората третина израмни Томас Валквае Ослен во 27,57, а во третата делница Стефан Еспеланд во 41,08 и Матис Олимб во 59,00 мунута направија целосен пресврт.
Казахстан по одиграните сите седум натпревари остана на 10 бодови и сега зависи од резултатите на натпреварите кои се играат во вторник. Засега се третит на табелата, но со бод и меч повеќе од Германија, Канада и Латвија. Во вторник Канада игра со Финска која е водечка во групата со 15 бодови, додека Германија и Латвија ќе се соочат меѓусебно. За пласман на Казахстан во четвртфиналето му е потребна победа на Финска, и тоа без продолженија.
Во оваа група во вторник уште ќе играат САД, кои со 15 бодови го обезбедија четвртфиналето, и Италија која е на дното без бодови.
