Хрватската машка ракометна репрезентација се пласираше во финалето на Светското првенство со победа од 31:28 (18:11) против Франција во преполната „Загребска Арена“.
Звонимир Срна и Марин Јелиниќ постигнаа по седум гола за Хрватска, Доминик Кузмановиќ забележа 15 одбрани, додека Дика Мем беше најефикасна за Франција со осум гола.
Со оваа победа Хрватска го обезбеди шестиот медал од светските првенства во историјата, а прв по 12 години кога ја освои бронзата во Шпанија. Ова е петти настап за Хрватска во финалето, откако претходно освои едно злато (2003 година во Португалија) и три сребра (Исланд 1995, Тунис 2005 и Хрватска 2009 година).
Хрватска во недела во Осло од 18 часот ќе игра во финалето против победникот од мечот Данска – Португалија, кој е закажан за в петок.
