Спасени се штркови чие гнездо падна при паѓање на бандера кај Тиквешко Езеро, информираа денеска од кабинетот на кавадаречкиот градоначалник Митко Јанчев.
– Штрковите секогаш се враќаат во истото гнездо. Понекогаш го менуваат поради некоја причина, како кога неодамна им падна заедно со паднатата бандера, но, кога екипа од улично осветлување при општината Кавадарци им направи ново, еве ги пак на старото место, соопштија од кабинетот на Јанчев.
