Според СЗО, за 90 отсто е намален бројот на смртни случаи од Ковид-19 од минатата зима

Mutating virus concept and new coronavirus variant outbreak or covid-19 viral cell mutation and influenza background as dangerous flu strain medical health risk with disease cells as a 3D render.

Бројот на смртни случаи од Ковид-19 нагло опадна од минатата зима, соопшти Светската здравствена организација.

Минатата недела, околу 9.400 смртни случаи поврзани со Ковид-19 беа пријавени ширум светот, соопшти денеска во Женева шефот на СЗО, Тедрос Аданом Гебрејесус.

Ова е речиси 90 проценти помалку отколку во февруари, кога беше постигнат овогодишниот неделен врв од 75.000.

Иако тоа е позитивен развој, премногу луѓе сè уште умираат, рече Тедрос за време на прес-конференција.

– Речиси 10.000 смртни случаи неделно се 10.000 премногу за болест која може да се спречи и лекува, нагласи тој.

– Ковид-19 сè уште е пандемија, рече епидемиологот на СЗО Марија Ван Керхове.

Претходната недела, ширум светот беа пријавени околу 2,1 милион нови инфекции.

ПОВРЗАНИ НАПИСИПОВЕЌЕ ОД АВТОРОТ