Петмина терористи од Тајбе (Израел) поврзани со ИСИС, се уапсени под сомнение дека формирале терористичка ќелија чија цел е извршување на напад со автомобил-бомба во трговскиот центар Азриели во Тел Авив, објави israelnationalnews
Овој безбедносен инцидент почнал со апсењето на водачите на ќелијата – Махмуд Азам и Ибрахим Шеик Јосеф, жители на Тајбе, кои се поврзани со ИСИС.
Според истрагата на полицијата и на Шин Бет, се покажа дека двајцата планирале да заминат во борбена зона на ИСИС во странство, а исто така одржувале контакти со странски агенти на ИСИС. Исто така, откриено е дека тие регрутирале уште тројца жители на Тајбе – Сајд Мазарва, Абдула Бранси и Абдел Карим Бранси – во ќелијата, со цел да промовираат терористичка активност во Израел.
Полицијата ги привела петтемина осомничени, а кај нив било пронајдено и различно оружје.
The officers of the central unit, the Gideon's fighters and the Shin Bet thwarted a deadly attack in Azrieli Mall in Tel Aviv that was planned by 5 terrorists residents of the of Taybeh who established a terrorist infrastructure associated with ISIS. Watch their arrest: pic.twitter.com/T4mpAtIBoA
— נועה מגיד | Noa magid (@NoaMagid) October 10, 2024
Во нивната истрага, осомничените открија дека гледале видеа на интернет од терористички напади во Сирија и разговарале за количината на експлозив што ќе биде потребна за да се урнат кулите Азриели. Од полицијата велат дека „ќелијата била разоткриена и спречена во првите фази од нејзиното спроведување“.
Шин Бет и полицијата нагласуваат дека „ова е необична и опасна група израелски граѓани, кои се здружија за да промовираат сериозна безбедносна активност против државата Израел и нејзините граѓани во име на идеологијата на ИСИС. Планот на ќелијата беше осуетен од страна на Шин Бет и израелската полиција по прецизна и ефективна разузнавачка активност“.
