Претседателот на Демократската унија за интеграција (ДУИ) Али Ахмети оствари средба со амбасадорот на САД, Џес Бејли, при што се разменети мислења за актуелната постизборна состојба во земјата, системските реформи и евроатлантската интеграција на земјата, инфромираа во четвртокот од партијата.
Ахмети нагласил дека ДУИ е целосно определена да ги поддржи и предводи реформите во судството, системските реформи заедно со владеењето на правото и проценил дека сите енергии треба да се фокусираат во оваа насока, сега по завршувањето на изборите.
Ахмети и Бејли разговарале и за патот на Македонија кон НАТО и ЕУ, со што, како што истакнал лидерот на ДУИ, односите со Атина и Софија добиваат „многу конструктивна димензија и соработка“ во духот на надминување на пречките и споровите.
