Пратеникот и меѓународен секретар на ВМРО-ДПМНЕ, Влатко Ѓорчев, се сретна со Норберт Ламерт, претседател на фондацијата Конрад Аденауер (КАС) блиска до владејачката ЦДУ, соопштуваат од опозициската ВМРО-ДПМНЕ.
Ѓорчев истакна се заблагодарил за одличната соработка на ЦДУ и КАС со ВМРО-ДПМНЕ изминативе 20 години, истакнувајќи дека работат на заеднички проекти и во наредниот период ќе ја интензивираме соработката.
„ЕУ е нашата заедничка агенда и заедно сме дел од семејство на сестринските ЕПП партии. Македонија и Германија имаат одлични билатерални односи. Ќе продолжиме да ги развиваме и продлабочуваме”, рекол Ѓорчев.
Ламерт беше претседател на германскиот Бундестаг 12 години, парламентарец од 1980 до 2017 година, вкупно 37 години, како и министер во повеќе влади на канцеларот Хелмут Кол.
Воедно, Ѓорчев упати благодарност до фондацијата Конрад Аденауер за поканата и можноста да учествува на Форумот за слобода на вероисповеста и верувањето во Сингапур. Ова е важна тема, која е меѓу приоритетите за КАС и ЦДУ.
Ѓорчев се сретнал и со пратениците од ЦДУ Фолкер Каудер, Хериберт Хирте и Маркус Грубел од германскиот Бундестаг, при што ја нагласил извонредната соработка на ВМРО-ДПМНЕ со ЦДУ и Фондацијата Конрад Аденауер (КАС). Тој ги информирал соговорниците за актуелните состојби во Македонија и за зголемената поддршка за ВМРО-ДПМНЕ во пресрет на изборите на 12-ти април. Притоа Ѓорчев ги поканил германските пратеници да ја посетат Македонија.
„Високо ја цениме одличната работа на канцеларијата на КАС во Скопје и нивната работа во Македонија предводена од Јоханес Реј и неговиот тим. Ќе продолжиме со заедничките проекти”, изјавил Ѓорчев.
Инаку, Фолкер Каудер беше шеф на пратеничката група на CDU/CSU-Bundestagsfraktion 2005 – 2018, како и поранешен генерален секретар на ЦДУ, а пратеник е во германскиот Бундестаг од 1990 година до денес, веќе 29 години.
На крајот, Ѓорчев подвлекол дека Македонија и Германија имаат одлични билатерални односи, исто како ВМРО-ДПМНЕ и ЦДУ.
