Извршниот комитет на Единствена Македонија во средата го исклучи од партијата Стефан Влахов Мицов поради докази дека соработувал со домашните разузнавачки служби и присвоил за себе пари од дијаспората наменети за подршка на бојкотот на референдумот. Според партијата, Влахов Мицов ги минирал преговорите за Кризниот штаб „Македонија – Бојкотира“ поради што во него не учествувале сите подржувачи на бојкотот.
По задача Влахов-Мицов беше жесток противник за формирање на Кризниот штаб „Македонија – Бојкотира“ со голем број партии и здруженија. Кога виде дека обединување е направено и Кризниот штаб е оформен, во последен момент неговите ментори го праќаат изненандно на средбата меѓу претседателот Бачев, Солза Грчева од Глас за Македонија, Љупчо Палевски од Трета партија на Македонците и Филип Петровски од Демократската фракција на ВМРО-ДПМНЕ каде Мицов прави скандал и тоа во јавен локал со неконтролирана кавга со Грчева на лична основа, со цел да спречи по задача семакедонско обединување. И навистина службата успееја преку Мицов со наменската кавга. По ова, Грчева Палевски и Петровски се повлекоа од Кризниот штаб кој за волја на вистината ќе имаше поголема тежина дококу на митинзите на „Македонија-Бојкотира„ во 20-дневната кампања беа со нас Грчева, Палевски и Петровски, велат од партијата.
Според Единствена Македонија, Владата на Бранко Црвенковски своевремено го назначува Влахов-Мицов на работа во Македонскиот културен центар во Софија каде имал задача по линијата на работа – македонски врховизам на македонската тајна служба да ги обработува Македонците во Пиринска Македонија. Покасно, Влахов Мицов е префрлен во Скопје каде со потпис на тогашниот премиер Црвенковски добива на користење државен стан и вработување во буџетскта институција, а за возврат ја продолжува соработката со тајната служба.
По задача Влахов- Мицов се залагаше да не ги подриме и да не излегуваме на протестите пред Собранието во месец јуни, а протестирачите како на пример, Преродба, Македониум, Македонски манифест, Светскиот македонски конгрес, поединци интелектуалци ги етикетираше со најпогрдни зборови за да биде убедлив дека нема потреба од никаква соработка и активност на партијата, да се чекало до септември кога ќе започнала Третата светска војна, но, дојде и септември и ништо не се случи. Дури, се противеше да нема ниту соопштенија и прес конференции, што значи извршувал задача партијата да биде што помалку активна. Влахов Мицов бараше Извршниот комитет да донесе одлука за формирање на воено крило во партијата иако знаеше што се е потребно за такво нешто, но, инсистираше барем да имаме одлука и сега станува јасно дека доколку имавме таква формална одлука тајната полиција ќе имаше законска основа да го уапси целото раководство на Единствена Македонија, велат од партијата.
Од Единствен Македонија објаснуват дека Влахов-Мицов присвоил пари од дијаспората за бојкотирање на референдумот.
Од Австралија дојде претставник на македонскиот бизнисмен Илија Андонов да се запознае со кампањата и во разговорот спомна дека се надева оти парите што ги пуштиле завршија работа во кампањата, на што, зачудено му беше одговорено за какви пари зборува, по што излезе дека парите за референдумот се пуштени на банкарската сметка на Мицов оти истиот рекол наводно така било договорено. Но такви пари никојпат не дојдоа во Кризниот штаб, што значи дека Мицов проневерил и украл пари за референдумската кампања, заради што, се поставува принципеилено прашање – ако Мицов се продал и украл пари кои беа за борба за светото македонско име, односно, да спречиме референдумот да не успее, тогаш што може да се очекува од овој човек кога би бил власт и кога странските центри би му понудиле поткуп во милиони евра?!, велат од партијата.
Одлуката за исклучување на Мицов е објавена по три дена, од причина што на Мицов, кој бил присутен на ИК при исклучувањето каде лично му беа дадени доказите и фактите за неговата дејност против партијата, му бил даден рок до следната седница на комитетот да покаже докази во негова одбрана.
Но Мицов, наместо да донесе некакви докази вчера излезе на еден портал со некакво отворено писмо со лаги, клевети, навреди со цел да го оцрни по задача претседателот Бачев. И толку. Значи излажа, а што може да се очекува од еден кодош на службата која патем му издејстувала и Зоран Заев да ја потпише одлуката Мицов и понатаму да го користи владиниот државен стан доделен своевремено од Црвенковски и да зема плата од буџетска институција. Место во Единствена Македонија за оние кои сакаат да имаат двојна улога, да бидат политичари и соработници на тајната служба, повеќе нема да има, Стефан Влахов Мицов е исклучен, бидејќи ние влегуваме во завршна битка со власта, велат од Единствена Македонија.
