Српскиот министер на полицијата Небојша Стефановиќ порача во петокот во разговорот со функционери на Обединетите нации во Белград, дека општата безбедносна ситуација на Косово е „многу сериозна“.
Стефановиќ во Белград се сретна со помошникот на генералниот секретар на ОН за мировни операции, Александар Зуев, и го повтори ставот на Србија дека на територијата на нејзината поранешна јужна покраина Косово и Метохија и натаму е неопходно дејствувањето на мисијата светската организација – УНМИК.
Потсетувајќи дека УНМИК, согласно Резолуцијата 1244 на Советот за безбедност при ОН, се грижи за владеењето на правото и безбедноста, Стефановиќ нагласил дека на Косово и натаму има неразјаснети убиства, како оние на припадникот на Жандармеријата на МВР на Србија и на челникот на Граѓанската иницијатива Слобода, демократија, правда – Оливер Ивановиќ.
Зуев го повикал Стефановиќ во јуни во седиштето на ОН да учествува на состанокот на министрите за внатрешни работи и шефовите на полицииите за безбедноста, со кој ќе претседава генералниот секретар Антонио Гутереш, соопшти српското министерство за внатрешни работи.
Тензиите меѓу Белград и Приштина остро се зголемија откако пред повеќе од две седмици во Косовска Митровица беше уапсен со брутална употреба на сила и понижувачки гестови директорот на српската владина агенција за Косово и Метохија, Марко Ѓуриќ.
Односните дополнително ги усложнуваат фактите што Србија е под простојан притисок на Западот и ЕУ да ги реши односите со Приштина како предуслов на напредок во евроинтеграциите како и инсистирањето на српскиот државен врв Приштина да ја исполни својата обврска од Бриселскиот договор и да ја формира Заедницата на спрските општин (ЗСО) на Косово.
