Четиринаесет стипендии од ЕЛЕМ, МЕПСО и ЕВН ќе добијат студенти на Факултетот за електротехника и информациски технологии (ФЕИТ).
Стипендиите ќе им бидат доделени на студенти од прва година на електроенергетските насоки, а свеченоро доделување ќе биде утре со почеток од 12:00 часот, во Амфитеатарот на Факултетот за електротехника и информациски технологии (ФЕИТ) во Скопје.
Покрај споменатите стипендии од ЕЛЕМ, МЕПСО и ЕВН, ФЕИТ свечено ќе додели уште и награди и пофалници за најдобрите студенти кои учебната 2013/2014 година ја завршиле со успех 9 и над 9.
Стипендиите на студентите ќе им ги доделат деканот на ФЕИТ и претставници на компаниите АД ЕЛЕМ, ЕВН и МЕПСО.
