Новиот градоначалник на општина Ѓорче Петров, Александар Стојкоски, истакна дека нема да дозволи да има реваншизам, туку ќе бара исклучиво ефективно и брзо работење во корист на граѓаните.
-Прво со вас, моите ѓорчепетровци, а потоа и на средба со вработените во Ѓорче Петров. Заедничка цел е да имаме најдобра општина во Македонија. Со работа, заедно со нив, почнуваме веднаш – нема повеќе чекање за решавање на проблемите, вели градоначалникот на општина Ѓорче Петров.
-На административците јасно им укажав дека од нив ќе барам брзо и ефективно работење, бидејќи вие тоа го барате од нас. Сакам задоволни граѓани, а тоа ќе биде заедничка цел, моја и на вработените! Но и задоволни вработени, бидејќи тоа е клучот на успехот, додава Стојкоски.
