Наум Стоилковски, портпарол на ВМРО-ДПМНЕ во врска со ставовите на претседателот Стево Пендаровски искажани во телевизиско интервју од петокот вечерта во однос на амнестијара и измените на Кривичниот законик потенцираше дека шефот на државата мора да одговори кој тоа барал од него амнестија.
„Пендаровски веќе денеска мора да одговори кој тоа барал од него амнестија? Пендаровски вели дека бил цитирам „консултиран од некои актери на политичката сцена” за амнестија, па затоа сега мора да биде прецизен и јасен, да наведе кој тоа од политиката го консултирал Пендаровски пред неколку месеци за амнестија?, рече Стоилковски.
