Долгогодишниот македонски ракометен репрезентативец и капитен на Вардар, Стојанче Стоилов кој е познат по цврстиот став за непромена на името на нашата држава по денешните случувања во Парламентот и донесената одлука за Уставни измени со кои е овозможено преименувањето во Северна Македонија жестоко реагираше на социјалните мрежи.
Ментално нестабилни сме сите во државава што дозволуваме вака да ни прават! Срам да ни е на сите! За мене секогаш ќе биде МАКЕДОНИЈА – напиша Стоилов.
Стоилов предизвика бура кога на доделувањето на наградите за најдобар спортист на Македонија ја напушти манифестацијата поради тоа што дел од говорниците се обратија и на албански јазик.Пикерот денеска беше еден од хероите во победата на македонскиот национален тим во првиот натпревар од Светското првенство, беше прогласен и за играч на натпреварот.
