Градските власти на шведската престолнина Стокхолм го преполовија бројот на дозволените електрични тротинети на своите улици, што претставува најнов удар за овој популарен но и контроверзен облик на градски сообраќај.
Градскиот совет изгласа ограничување на бројот на дозволените тротитени на 12.000 од сегашните 23.000 и го намали бројот на овластените компании за изнајмување на скутерите од осум на три. Ограничувањето на сила стапува 1-ви јануари, а Стокхолм следните седмици ќе објави на кои компании ќе им биде дозволено да ги задржат дозволите за изнајмување, соопштено е по гласањето.
Користењето на електричните тротинети експлодираше изминатите години во најголемите градови во светот, но се појавија и многу контроверзии околу нивната употреба во згуснатиот градски сообраќај. Приврзаниците сметаат дека таквите тротинети се соодветна форма на превоз, додека критичаритет тврдат дека ги зголемуваат мешаниците на улиците и дека се опасни и за самите управувачи и за пешаците при големи брзини.
Неколку светски престолнини веќе воведоа ограничување за нивното користење. Дански Копенхаген целосно ги забрани уште во октомври 2020 година, а повторни ги дозволи една година подоцна но со стро ги правила со кои се ограничува нивното паркирање и употребата.
Норвешки Осло во јули годинава го намали бројот на дозволените електрични тротинети од 20.000 на 8.000 и забрани да бидат возени меѓу 23 и 5 часот. Француски Париз воведе ограничување на 20 километри на час на коловозите. Сингапур го забрани возењето на електричните тротинети на пешачките патеки, како што е и во Германија и во Франција.
