Помеѓу првата и втората година, вашето бебе можеби ќе се плаши од бањање во када. Ќе се исплаши да не се лизне и да не падне. Сапунот во очи ќе биде проблем, а можеби за стравот ќе биде доволен и само звукот на водата што тече.
Бебињата мора да се бањаат, па вашата задача ќе биде да откриете како на најдобар начин ова искуство да го претворите во позитивно. За да избегнете да му влезе сапун во очињата, можеби би било најдобро лицето да му го миете со влажна крпа и да го измиете. Исто така, добро би било да користите шампон за бебиња што нема да ги пецка очињата.
Бебињата што се плашат да влезат во кадата воопшто не треба да ги присилувате да го направат тоа. Може да се обидете да го избањате бебето во коритце, но ако и тоа го плаши, користете бебешки сунѓер за бањање без да влегува во кадата неколку месеци.
На овој начин ќе му дадете време на бебето да го совлада стравот. Кога повторно ќе се обидете да го бањате бебето во када, обидете се со неколку сантиметри длабочина на водата. Пред да ја испуштите водата, обавезно извадете го бебето од кадата.
Иако некои родители ги бањаат бебињата секој ден, се додека тие не почнат да лазат по подот и активно да си играат, нема потреба за долги купка повеќе од 2 до 3 пати неделно.
