Третата доза од вакцината против Covid-19 која ја развија англо-шведската фармацевтска компанија „AstraZeneca“ и Универзитетот Оксфорд постигнала добри резултати во предизвикувањето антитела и дополнително ја зајакнала ефикасноста на вакцината меѓу учесниците во истражувањето, обајви во средата весникот Тhe Financial Times.
Информацијата е објавена во моментот кога произведувачите на вакцините против коронавирусот предупредуваат дека на светот секоја година веројатно ќе му бидат потребни довакцинирања (дополнителна доза) или нови вакцинирања кои ќе го зајакнат нивниот ефект поради развојот на новите соеви на вирусот, иако некои научници ја проблематизираа оправданоста и потребата од давањето на третата доза, пишува Reuters.
Во својот прилог Тhe Financial Times се повикува на неименувана личност упатена во резултатите од студијата, која рекла дека реакцијата на антителата на дополнителната доза од вакцината била „доволно силна против која и да е варијанта од коронаврусот“. Студијата покажала и дека постои помало стравување од тоа дека аденовирусите не може да се користат повеќепати, пренесува Reuters.
Од „AstraZeneca“ и од Универзитетот Оксфорд до средатата претпладнето сѐ уште не одговориле на барањето на Reuters подобро да ги појаснат резултатите од ова истражување, кои допрва треба официјално да бидат објавни. А Тhe Financial Times пишува, пак, дека сѐ уште не се знае кога производителот и универзитетот планираат да ги објават овие информации.
Вакцината на „AstraZeneca“ се заснова на веќе проверена и позната платфора но со малку понова технологија базирана на модифицирана верзија на аденовирус, кој предизвикува обична настинка, како вектори во кои е вклучен шилестиот протеин на новиот сој коронавирус SARS-CoV-2. Истовремено, кај аденовирусите е исклучена способноста да се реплицираат, и тие служат како систем за испорака на генетскиото материјал (антиген) во човечките клетки.
Притоа вакцината на „AstraZeneca“ се темели на аденовирусот на шимпанзо, за разлика од руската „Спутник V“ создадена на истата платформа и технологија која користи два различни човечки аденовируса за секое од двете инјектирање на вакцината.
Поради ваквиот начин на создавање на вакцините, некои научници сметаат дека дозите би можеле да загубат на ефикасноста доколку годишните вакцинирања станат неопходна потреба во борбата против новите соеви на коронавирусот.
Во декември минатата година на акаунтот на Twitter посветен на вакцината беше објавено дека британската биофармацевтска компанија ќе ја започне програмата за клиничко испитување на комбинацијата од двете вакцини од коронавирусот: AZD1222, која ја развија експертите на „AstraZeneca“ и Универзитетот Оксфорд, и на „Спутник V“ кој го користи хуманиот аденовирусен вектор од типот Ad26 , врз волонтери постари од 18 години. За тоа беше постигнат договор со руската страна, но досега нема информации за резултатите од ова истражување.
