Судијата на Врховниот суд на САД, Самјуел Алто, им нареди на изборните комисии во сојузната држава Пенсилванија да ги одвојат гласовите што пристигнале по пошта.
Алто привремено го одобри барањето на Републиканската партија во кое се бара судска наредба до сите 67 изборни комисии во Пенсилванија да ги освојат гласачките ливчиња за претседателските избори пристигнати по пошта по изборниот ден 3-ти ноември.
Уште во пет сојузни држави, Пенсилванија, Џорџија, Невада, Аризона и Северна Каролина не се објавени резултатите од претседателските избори.
Во најголемата американска сојузна држава Пенсилванија се зголемува предноста на Бајден, каде од околу 96 проценти од преброените гласови, демократскиот кандидат има околу 28.800 гласови повеќе од Трамп или 0,5 проценти.
Во Џорџија од 99 преброени гласови, Бајден има речси 4.400 гласови повеќе од Трамп. Демокртаксиот кандидат постепено ја зголемува предноста и во Невада, каде има над 22.600 гласови, или 1,8 проценти повеќе од Трамп.
Американскиот претседател има предност во Аризона од околу 29.900 гласа, но треба да се пребројат уште 173.000 гласачки ливчиња.
Трамп исто така води со повеќе од 75.000 гласа или 1,6 проценти во Северна Каролина, каде се изброени 98 гласачки ливчиња.
Досега Бајден има 253 електорски гласови, а Трамп – 213, а според некои од водечките медиуми соодносот е 264 наспроти 214 во полза на кандидатот на демократите. За влез во Белата куќа, еден од двајцата кандидати треба да освои најмалку 270 електорски гласови.
Претходо во саботата по средноеврпско време Трамп на Twitter истакна дека неговата голема предност којашто ја имаше на почетокот од пребројувањето на гласовите во некои сојузни држави „за чудо исчезна“ и изрази надеж дека повторно ќе го преземе водството во овие во кои сѐ уште се бројат гласовите.
„Имав толку голема предност во сите овие држави до доцна во ноќта на изборите, за да видам како тие предности со чудо исчезнуваат како минуваат деновите. Можеби тие предности ќе се вратат како што напредуваат нашите правни процедури”, објави Трамп.
Претходно Трамп му се обрати на демократскиот кандидат Џо Бајден преку социјалната мрежа дека нема право да тврди дека победил на изборите.
„Џо Бајден не треба да тврди дека има право на функцијата претседател. Можев да го тврдам и јас тоа. Правните постапки штотуку почнуваат”, наведе Трамп.
